შრომის ბაზრისა და ეკონომიკური პროგნოზირების ობსერვატორია აჭარაში
პოლონეთის რესპუბლიკის საგარეო საქმეთა სამინისტროს მიერ ორგანიზბეულ „Polish Aid 2014” -ის კონკურსში გამარჯვების შედეგად მოპოვებული გრანტის საფუძველზე, აჭარასა და მალოპოლსკას რეგიონებს შორის თანამშრომლობის ხელშეკრულება გაფორმდა. თანამშრომლობის ფარგლებში აჭარაში შრომის ბაზრისა და ეკონომიკური პროგნოზირების ობსერვატორია შეიქმნა.
აღნიშნული პროექტის ფარგლებში:
- მოხდა აჭარაში ეკონომიკური ცვლილებების პროგნოზირებისათვის საჭირო ინსტრუმენტებისა და მოდელის შემუშავება.
- მომზადდა გზამკვლევი აჭარაში მეწარმეობისა და დასაქმების ბაზრის სისტემის ხელშეწყობის მექანიზმებისა და პროცესების გაუმჯობესების უზრუნველსაყოფად. შემუშავდა წინადადებები თუ როგორ უნდა მოხდეს ინფორმაციის ტრანსფერი სამინისტროებიდან და საჯარო ინსტიტუციებიდან ობსერვატორიაში.
- პროექტის მთავარი მიზანი, რეგიონის ეკონომიკურ განვითარებასა და ცხოვრების სტანდარტების ზრდაში მნიშვნელოვანი წვლილის შეტანა იყო.