მიზანი - მოთხოვნად პროფესიებში საზოგადოების სხვადასხვა ჯგუფებისთვის პროფესიული უნარ-ჩვევების შეძენა/განვითარება, მათი შრომის ბაზარზე კონკურენტუნარიანობის ამაღლებისა და დასაქმების ხელშეწყობის მიზნით.
აღწერა - შრომის ბაზარზე ჯანსაღი და კონკურენტუნარიანი გარემოს შესაქმენლად, სააგენტომ განახორციელა პროგრამა, რომლის მიზანია საზოგადოების სხვადასხვა ჯგუფების ახალი პროფესიული უნარ-ჩვევებით აღჭურვა მოთხოვნად პროფესიებში, მათი შრომის ბაზარზე კონკურენტუნარიანობის ამაღლებისა და დასაქმების ხელშეწყობის მიზნით. პროგრამის ფარგლებში მომსახურების მიღების უფლებით სარგებლობდნენ: სოციალურად დაუცველი მოქალაქეები და შეზღუდული შესაძლებლობის მქონე პირები; 35 წლის და ზევით ასაკის მოქალაქეები; ძალოვანი სტრუქტურების ვეტერანები.
შედეგი - პროგრამის ფარგლებში გადამზადდა 250 ბენეფიციარი, რომელთაც გაიარეს 3 თვიანი სასწავლო კურსი შემდეგ პროფესიებში: მზარეული, კონდიტერი, სარესტორნო საქმის მწარმოებელი, სასტუმრო საქმის მწარმოებელი, შემდუღებელი, ამწის ოპერატორი, მძიმე ტექნიკის ოპერატორი, მასაჟისტი, რკინა - ბეტონის სამუშაოთა მწარმოებელი (მეარმატურე, მეყალიბე, მებეტონე).
სწავლების სრული კურსი გაიარა და სერტიფიკატი აიღო 247 (მათ შორის 51 ბათუმის მაცხოვრებელი) ბენეფიციარმა. სწავლის დასრულებისთანავე დასაქმდა 42 ბენეფიციარი (მათ შორის 13 ბათუმის მაცხოვრებელი).